Атырауда көлік қаққан 16 жасар жасөспірім ауруханаға жеткізілді
Облыстық полиция департаментінің баспасөз қызметінен мәлім еткендей, жол-көлік оқиғасы бүгін, 14 қазанда болған.
«Жергілікті уақытпен сағат 17:50 шамасында Toyota Camry көлігі Атырау қаласының Азаттық даңғылындағы реттелмеген жаяу жүргіншілер өткелінде жасөспірімді қағып кетті. Көліктің рульінде 57 жастағы жүргізуші болған. Жол-көлік оқиғасының салдарынан 2006 жылғы жасөспірім әртүрлі дене жарақатын алған. Сол себептен, зардап шеккен жасөспірім жедел жәрдем бригадасының көлігімен облыстық балалар ауруханасына жеткізілді», -деп хабарлады департаменттің баспасөз қызметі.
Қазір полиция қызметкерлері аталған жол-көлік оқиғасына қатысты тиісті құжаттарды жинақтап жатыр.
Жергілікті полиция қызметі басқармасының аға инспекторы, полиция майоры Аманжол Жұмалиевтың айтуынша, жол-көлік оқиғасын тек адамдар емес, қараусыз жүрген мал да себепкер болады. Жыл басынан бері сондай малдың кесірінен 76 жол-көлік оқиғасы тіркелген. Оның ішінде 27 жол апаты қыркүйек айында болған. Сегіз жол апатынан 6 адам әртүрлі дене жарақатын алған.
Еске сала кетелік, Атырауда 14 жасар оқушы мектепке бомба қойылғаны туралы жалған хабар бергенін https://kaz.inform.kz/news/atyrauda-14-zhasar-okushy-mektepke-bomba-koyylgany-turaly-zhalgan-habar-bergen_a3989800 хабарлаған болатынбыз.