14:49, 19 Қаңтар 2022 | GMT +6
Атырауда нашақор жігіт супермаркеттің күл-талқанын шығарған
АТЫРАУ. ҚазАқпарат – Атырау қаласындағы супермаркетті талқандаған нашақор қамауға алынды, деп хабарлайды ҚазАқпарат.
Облыстық полиция департаментінің баспасөз қызметі 17 қаңтарда түнгі сағат 00:00-де болған оқиғаны растады.
Бұрыннан наркологиялық диспансердің есебінде тұратын 31 жастағы нашақор жігіт азық-
түлік сататын супермаркетке есіктегі әйнекті сындырып кірген. Супермаркет сөрелеріндегі азық-түліктерді оңды-солды шашып, жәшіктерді құлатып тастаған.
«Кәсіпкерлік нысанына материалдық шығын келтірген бұзақы ұсталды. Оған қатысты қылмыстық іс қозғалды. Ұсталған нашақор қамауға алынды», -деп мәлім етті департаменттің баспасөз қызметінен.
Еске сала кетелік, бұған дейін Атырау облысында мас күйде рульге отырған 30-ға жуық
жүргізуші ұсталғанын хабарлаған болатынбыз.