Атырауда жағдайы ауыр 53 науқас жансақтау бөлімінде жатыр
АТЫРАУ. ҚазАқпарат – Атырауда коронавирус инфекциясына шалдығып, жағдайы нашарлаған 53 науқас жансақтау бөлімінде жатыр, деп хабарлайды ҚазАқпарат.
Бұдан бұрын Атырауда жансақтау бөлімінде 46 науқас жатқан еді.
Өңірдегі 2 428 орындық инфекциялық стационарларда 806 науқас емделу үшін оқшауланды.
Стационарлардағы жүктеме – 33.2%.
Жансақтау бөлімінде 108 орын бар.
«Қазір бұл бөлімде жағдайы ауыр 53 науқас жатыр. Науқастардың 7-еуі өкпені жасанды желдету аппаратына қосылған. Мұндағы жүктеме 49%-ды құрап отыр», -деп хабарлады облыстық денсаулық сақтау басқармасының баспасөз қызметі.
