Атырауда жаңа полигон жұмыс жасай бастады

АТЫРАУ. 12 ақпан. ҚазАқпарат /Андрей Соколов/ - Атырауда қатты тұрмыстық қалдықтарды көмуге арналған полигон жұмысқа кірісті.

Облыстық кәсіпкерлік пен өнеркәсіп басқармасынан хабарлағандай, құны 1,6 млрд. теңге болатын полигон 20 жылға жұмыс жасауға есептелген. Осы мерзім ішінде ол 3,5 млн. куб метр қалдықты қабылдай алады. Поигон қалдықтар астында жиналып қалып, өрт пен оның салдарынан туындайтын иіс газының пайда болуына себепкер газдарды алып кетуге арналған құбырлармен жабдықталған.