Атырауда жарнамалық шоуға қатысқандарға айыппұл салынды

АТЫРАУ. ҚазАқпарат - Атырау қаласының мамандандырылған әкімшілік соты қаланың орталық көшесінде орналасқан дүкеннің алдында әйелдердің іш киімін жарнамалаған Полина Тұрғанбаева мен Ирина Латыфоваға қатысты әкімшілік істі қарады.

«Сот жарнамалық шараға қатысқан қыздарды ҚР ӘҚК 434-бабы 1-бөлімінде қарастырылған құқықбұзушылық бойынша (ұсақ бұзақылық) айыпты деп тапты. Олардың әрқайсысына 10 АЕК көлемінде - 19 820 теңгеден айыппұл салынды», деп хабарлады облыстық соттың баспасөз хатшысы Боранбай Ғалиев.