Атырауда жемқорлыққа қатысы бар компаниялармен байланысты бизнесменді депутаттық өкілеттігінен айырды

АТЫРАУ. 24 қаңтар. ҚазАқпарат - Атырау облыстық мәслихатының кезекті сессиясында Вадим Пактың депутаттық өкілеттігі тоқтатылды.

Облыстық сайлау комиссиясының төрағасы Асау Ыбырашевтың хабарлауынша, №33 сайлау округінен депутат Вадим Пак сессияларға жүйелі түрде қатыспайды. Өз міндеттерін адал атқару туралы тиістігі жазбаша ескертулерге оның тарапынан мән берілмеді.

В.Пактың депутаттық өкілеттігі «облыстық мәслихаттың сессияларына жүйелі түрде қатыспағаны үшін» тоқтатылды.

Бұған дейін бизнесмен Айбат Сүлейменов депутаттық өкілеттігінен айырылған болатын, кейіннен оның үстінен қылмыстық іс қозғалып, мемлекетаралық іздеу жарияланды.