Атыраудағы күй фестиваліне қатысушылар Қазақстандық рекордтар кітабына енді

АТЫРАУ. 30 мамыр. ҚазАқпарат - Құрманғазының шығармашылығына арналған халықаралық музыка фестивалінің қатысушылары Гиннесс рекордтар кітабының қазақстандық баламасына енді.

«Мұнайшы» стадионында өткен жинақталған оркестрдің концертіне еліміздің және Ресейдің 1008 музыканты атсалысты.

«Мұндай шара алғаш рет өткізілді. Осынау ерекше оқиғаны Қазақстандық рекордтар кітабына енгізу үшін оның өкілдері арнайы келді. Ал жинақталған оркестрдегі әрбір өнер иесіне сертификаттар табысталады», - деп атап өтті өз сөзінде Атырау облысының әкімі Бақтықожа Ізмұхамбетов.