Ауа райының бұзылуына байланысты Жамбыл облысында жол жабылады

 ТАРАЗ. KAZINFORM – Жамбыл облысында көлік қозғалысына шектеу қойылады. 

- 2025 жылғы 8 қаңтар сағат 20:00-де Жамбыл облысында ауа райының бұзылуына байланысты «Алматы-Ташкент-Термез» а/ж (Жаңа Қордай асуы) 159-238 шақырым аралығындағы учаскеде (Отар ауылы-Қайнар ауылы) көліктің барлық түрінің қозғалысына шектеу қою жоспарланып отыр, - делінген ҚазАвтоЖол хабарламасында.

Жолды 9 қантар сағат 10:00-де ашу жоспарланған. 

Қозғалыс ескі Қордай асуы арқылы жүзеге асырылатын болады.

1403 байланыс орталығына хабарласып, тәулік бойы қосымша ақпарат алуға болады.

Жетісу облысында Алтын Емел асуының жолы жабылғанын жазған болатынбыз.