Ауа райының қолайсыздығына байланысты тағы екі облыста жол жабылды
АСТАНА. KAZINFORM – 2026 жылғы 18 ақпан сағат 03:00-де ауа райының нашарлауына байланысты тағы екі өңірде республикалық автожолдарда барлық көлік түрлерінің қозғалысына шектеу енгізіледі, деп хабарлайды «ҚазАвтоЖол» Ұлттық компаниясының баспасөз қызметі.
Ақтөбе облысы:
- «РФ шекарасы – Мәртөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы» автожолының 965-1240 шақырым аралығы (Қарабұтақ ауылы – Қызылорда облысы шекарасы).
Қызылорда облысы:
- «РФ шекарасы – Мәртөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы» автожолының 1240-1362 шақырым аралығы (Ақтөбе облысы шекарасы – Арал қаласы).
Жолдарды 2026 жылғы бүгін сағат 10:00-де ашу жоспарланған.
Ал жолға қатысты өзге де мәселелерді білгіңіз келсе 1403 байланыс орталығына хабарласып, тәулік бойы қосымша ақпарат алуға болады.
Айта кетейік, бүгін түнде еліміздің үш облысындағы жолдарда жүк және қоғамдық көліктер үшін қозғалыс шектелетінін жаздық.
