АУА РАЙЫ: Бүгін еліміздің оңтүстік өңірінде шаңды дауыл соғып, солтүстігінде қатқақ болады
АСТАНА. ҚазАқпарат - Бүгін Республиканың басым бөлігінде ауа райы жауын-шашынсыз болады. Тек еліміздің батысында, солтүстік-батысында атмосфералық фронтальды бөліктердің өтуіне байланысты жаңбыр сақталады, кей жерлерде қатты жаңбыр жауады, найзағай ойнайды. Кей жерлерде тұман болып, желдің күшеюі күтіледі.
Бұл туралы ҚР ІІМ ТЖК баспасөз қызметі хабарлайды.
Жамбыл облысының кей жерлерінде желдің жылдамдығы 19-24 м/с болады, түнде кей жерлерде тұман байқалады.
Оңтүстік Қазақстан, Қызылорда облыстарының кей жерлерінде шаңды дауыл соғады, жел 15-20 м/с-ға дейін күшейеді.
Қызылорда облысында күндіз желдің екпіні 25 м/с шамасында күтіледі.
Маңғыстау, Атырау, Батыс Қазақстан, Ақтөбе облыстарының кей жерлерінде желдің күші 15-20 м/с-ға жетеді.
Түнде Шығыс Қазақстан, Ақмола облыстарында 1-3 градусқа дейін үсік сақталады.
