«Ауыл — ел бесігі»: бес жылда Павлодарда 119 ауыл жаңғыртылды

ПАВЛОДАР. KAZINFORM — Биыл Ертіс-Баян өңіріндегі 22 ауылдық елді мекенді дамытуға 9,7 млрд теңге қарастырылған. 

«Ауыл — ел бесігі» жобасын іске асыру басталғаннан бері облыста барлығы 119 ауыл жаңғыртылып, өңірдің 164 мыңнан астам тұрғыны үшін өмір сүру сапасы артқан.

— 2025 жылы 22 ауылдық елді мекенді жаңғыртуға 9,7 млрд теңге бөлінді. 45 жоба іске асырылып жатыр, оның ішінде алты дене шынықтыру-сауықтыру кешенін, екі бассейн, екі мәдениет нысанын салу, сондай-ақ үш ауылда көше жарығын орнату бар. 14 әлеуметтік нысанды күрделі жөндеу, 48 шақырым жолды жаңарту жоспарланған. 2026 жылға арналған жобалау-сметалық құжаттамаларды әзірлеуді аяқтау және инфрақұрылымдық өзгерістерге мұқтаж қалған елді мекендерді қамту бойынша жұмыстар жанданып жатыр, — деп хабарлады өңір әкімдігінен.

Еске сала кетейік, Павлодар облысында 16 ауыл ішімдіктен бас тартты.