Australian Open: Әмір Омарханов үшінші айналымға жолдама алды

АСТАНА. KAZINFORM – Қазақстандық теннисші, 17 жастағы Әмір Омарханов жасөспірімдер арасында Аустралия ашық чемпионатының үшінші айналымына шықты.

теннис
Фото: ҚТФ

Жасөспірімдер арасында әлемнің 4-ракеткасы Ә. Омарханов екінші айналымда аустралиялық Юмерали Ибраимидің мысын басты.

Қазақстандық теннисші бірінші партияда 6:4 есебімен басым түсті. Әмір екінші сетте есеп 5:2 болған мезетте матчқа доп бергенімен, сол мүмкіндігін мүлт жіберді. Дегенмен ойынды тағы бір брейкпен тәмамдады – 6:3. 

Бәсеке 1 сағат 35 минутқа созылды.

Жарыстың 2-ракеткасы болып тіркелген Омарханов ширек финалға шығу үшін швециялық теннисші, 17 жастағы Виллям Режхтман Винцигаррамен таласады. 

Еске сала кетейік, бұдан бұрын Аустралия ашық чемпионатында Елена Рыбакинаның ширек финалдан тыс қалғанын жазған едік. 

Соңғы жаңалықтар