Аустрияның жаңадан тағайындалған канцлері ант берді

АСТАНА. KAZINFORM — Дүйсенбіде Кристиан Штокер Аустрияның жаңа федералды канцлері ретінде ант берді, деп хабарлайды Kazinform меншікті тілшісі.

Федералды президент Александр Ван дер Беллен Хофбургте Кристиан Штокердің антын қабылдады. «ÖVP» төрағасы Халықтық партия, SPÖ (Социалистік партия) және Neos құрған алғашқы федералды үкіметті басқарады.

Кристиан Штокер 1960 жылы 20 наурызда Винер-Нойштадт қаласында (елдің солтүстік-шығысында) дүниеге келген. Оның әкесі консервативті Аустрия халық партиясының (АХП) қайраткері болған, бірнеше рет федералды парламентке сайланған.

Жаңа канцлер Вена университетін бітірді, заң ғылымдарының докторы. Оқуын аяқтағаннан кейін туған қаласындағы аудандық және жер сотында жұмыс істеді. 1994 жылдан бастап адвокаттық қызметпен айналысып, отбасылық және корпоративтік құқық саласында маманданған. SFS-Anwaelte заң фирмасын құрды. Еуропалық Кеңестің басшысы Антонио Кошта К.Штокерді Аустрияның жаңа канцлері қызметіне тағайындалуымен құттықтады.

— Еуропалық кеңестің алғашқы бірлескен отырысын асыға күтемін. Біз ортақ еуропалық болашағымызды бірге қалыптастырамыз, — деп жазды А. Кошта әлеуметтік желіде.

3 наурызда барлығы 13 министр мен жеті мемлекеттік хатшы ант берді. Осы уақытқа дейін Аустрияның Федералды канцлерінің міндеттерін СІМ басшысы Александр Шалленберг уақытша атқарып келді.

2024 жылғы қыркүйек айының соңында Аустрия Парламентіне сайлауда Аустрияның Бостандық партиясы (АБП) 28,8% дауыс жинап, жетекші саяси күшке айналды. АХП 26,3% дауысқа ие болып, екінші орынға тұрақтады, социал-демократтар 21,1% дауыс еншіледі, ал NEOS партиясы тоғыз пайыз дауыстан сәл асты.

Осыған дейін Қазақстан мен Аустрия дипломатиялық паспорт иелерін визалық талаптардан босататыны хабарланды.