Ауыр салмақтағы украиндық боксшы қарсыласын нокаутқа жіберді

АСТАНА. ҚазАқпарат - Киевтегі спорт сарайында бірінші ауыр салмақ дәрежесінде (90,7 кг дейін) WBO нұсқасы бойынша Құрлықаралық чемпион титулы үшін бәсеке аяқталды.

Украиндық Александр Усик ОАР спортшысы Джонни Мюллермен айқасып, титулын қорғап қалды.

Жекпе-жек мерзімінен бұрын 3-ші раундтың соңына қарай, нокаутпен аяқталды.

Осылайша Усик кәсіби рингтегі 8-ші жеңісіне жетті. Ол барлығына да жекпе-жек аяқталмай қол жеткізген.