Ауыр салмақты кран Павлодар болат конструкциялары зауытында әзірленді

ПАВЛОДАР. Шілденің 4-і. ҚазАқпарат /Вера Ливинцова/ - Жүк көтеру салмағы 32 тонна болатын төрттағанды кранды даярлауды «Стальмонтаж» ЖШС  зауыты аяқтады,

 деп хабарлайды ҚазАқпарат тілшісі.

Алып кранды Мойнақ ГЭС-і құрылысшыларының тапсырысы бойынша зауыт конструкторлары әзірледі және зауыт мамандары құрастырды. Көтергіш механизмінің ерекшелігі ретінде бас конструктор Евгений Тальян оның барлық тіреуіштерінің бекемдігін,  жоғары дәлдікпен даярланғанын айтты. Павлодарлық конструкцияның бірегейлігі - көтеру биіктігі мен жүктің салмағы осыншама жоғары төрттағанды кран елімізде алғаш рет әзірленіп отыр.

Сынақ үшін зауытта арнайы полигон құрылған, мұнда мамандар тапсырыс берушіге жөнелту алдында механизмдерді тексеруден өткізетін болады.