«Айналым схемасы» арқылы бағаны тұрақтандыруға 140 млрд теңге бөлінді
«Мемлекет басшысы бизнес өкілдерімен кездесуінде еңбекақының жалпы ішкі өнімдегі үлесін арттырудың маңыздылығын айтқан болатын. Бағдарламаны іске асыру аталған көрсеткішті 31%-дан 38,5%-ға дейін арттыруға мүмкіндік береді. Сондай-ақ жалпы кірістердегі еңбек қызметінен түскен кірістердің үлесі 70%-дан 82%-ға дейін арттыру көзделген.
Бұл көрсеткіштерге қол жеткізу жолдары егжей-тегжейлі талданып, бағдарлама индикаторларына қол жеткізу жауапкершілігі өңірлер мен салалық министрліктер бөлінісінде бекітілген», - деді вице-премьер.
Сондай-ақ, ол Үкімет Ұлттық банкпен бірлесіп инфляцияны тежеу бойынша бірқатар жедел шаралар қабылдап жатқанын еске салды.
«Мемлекет басшысының тапсырмасы бойынша 15 ақпанда Үкімет отырысында бағаның өсуін тежеу үшін 2022-2024 жылдарға арналған инфляция деңгейін бақылау және төмендету бойынша шаралар кешені қабылданды.
Бүгінде азық-түлік өнімдерінің бағасын тұрақты ұстап тұру үшін Үкімет форвардтық шарттар жасасу жөніндегі шараларды, шекті жол берілетін бөлшек сауда бағаларын белгілеу құралдарын және бөлшек сауда үстемесі жөніндегі талаптардың сақталуын бақылауды, азық-түлік тауарларына баға белгілеудің бүкіл тізбегі бойынша схемаларды тергеп-тексеруді кеңінен қолданады.
Жергілікті атқарушы органдар профилактикалық бақылау шеңберінде «үй жанындағы дүкендерде» 15% үстемақыны арттыруға жол бермеу бойынша жұмыс жүргізуде.
Бұдан басқа, «айналым схемасын» қаржыландыру және тұрақтандыру қорларын қалыптастыру 140 млрд теңгеге дейін ұлғайтылды. Әлеуметтік маңызы бар азық-түлік тауарларын өткізушілер үшін жалдау ақысын төмендету мәселесі пысықталуда», - деді Ералы Тоғжанов.
Айтуынша, осы аталған жылдың бірінші тоқсанында азық-түлік өнімдерінің баға индексін 10% деңгейінде ұстап тұруға мүмкіндік берген.
Еске салсақ, ҚР Парламент Мәжілісінің жалпы отырысында атқарушылық іс жүргізуді жетілдіруге бағытталған заң