AZAL Баку-Қазан бағытындағы рейсін тоқтатты

АСТАНА.KAZINFORM - Azerbaijan Airlines (AZAL) 8 қаңтарға жоспарланған Баку-Қазан-Баку рейсін тоқтатты, деп жазады Trend.

– Бұл шешім Қазан үстінен әуе кеңістігін жабуға байланысты қабылданды. AZAL ұшу қауіпсіздігіне басымдық береді және халықаралық стандарттарды қатаң сақтайды, - деп хабарлады AZAL.

Естеріңізге сала кетейік, 25 желтоқсанда Ақтау маңында ұшақ апаты болып, Баку-Грозный рейсін орындаған AZAL жолаушылар ұшағы апатқа ұшыраған болатын. Бортта 67 адам, оның ішінде бес экипаж мүшесі болған. Апат салдарынан 38 жолаушы қаза тауып, 29 адам аман қалды.

Ресей президенті Владимир Путин Ресей әуе кеңістігінде болған қайғылы оқиғаға байланысты Әзербайжан президенті Ильхам Әлиевтен кешірім сұрады.

28 желтоқсанда бірқатар әуе компаниялары Ресей бағытындағы рейстерін тоқтатты: Kazakh Qazaq Air, Израильдің El Al және Azerbaijan Airlines және Turkmen Airlines.

Қазақстан Республикасы Көлік вице-министрі Талғат Ластаев ҚазАқпарат тілшісіне ұшақ апатына қатысты тергеудің алдын ала қорытындысы қашан белгілі болатынын айтты.

30 желтоқсанда Халықаралық әуе көлігі қауымдастығы (IATA) оқиғаны жан-жақты және бейтарап тергеуге шақырды.

Бразилия Әскери-әуе күштерінің ұшақ апатын зерттеу және хабарлау орталығы Әзербайжан Әуе жолдары (AZAL) ұшағының ұшу жазбаларын (қара жәшіктер) тексеруді аяқтады.

Жақын күндері Астанада AZAL ұшағының қара жәшігіндегі ақпараттарды зерттеу басталады.