Әзербайжан астанасындағы киностудияда жарылыс болды

АСТАНА. KAZINFORM – Бакудің Ясамал ауданында орналасқан Дж.Джаббарлы атындағы киностудияның пиротехника қоймасында жарылыс болды. Оқиға орнына полиция қызметкерлері жетті, деп хабарлайды Trend.

Әзербайжан Ішкі істер министрлігі баспасөз қызметінің хабарлауынша, қазіргі таңда қауіпсіздік шаралары қолға алынып жатыр.

Алдын ала мәліметтер бойынша, азаматтар арасында зардап шеккендер жоқ, жарылыс болған аймақты полиция бақылауға алды. Өрт сөндіру жұмыстары жүргізілді.

Осыған дейін Қытайдың шығысындағы химия кәсіпорнында жарылыс болғаны туралы жаздық.