Азиада-2025: хоккейден Қазақстан ерлер құрамасы чемпион атанды

ХАРБИН.KAZINFORM – Қазақстан ерлер хоккей командасы Қытайдық Харбин қаласында өтіп жатқан ІХ қысқы Азия ойындарында чемпион атанды. 

Азиада-2025: хоккейден Қазақстан ерлер құрамасы чемпион атанды
Фото: Нұрғали Жұмағазы

Финалда, қазақстандық жігіттер Жапония құрамасымен күш сынасты.

Бірінші тайымда, қазақстандық шабуылшы Андрей Буяльский командаласы Самат Даниярдың пасын голға айналдырып, есеп ашты.

Екінші тайм бастала сала, Андрей Буяльский қарсылас қақпасынан тағыда саңылау тауып кетті. Араға көп уақыт салмай, Роман Старченко есепті еселеді.

Соңғы кезеңде, отандасымыз Кирилл Панюко қарсылас қақпасына қатарынан екі шайба соқты.

Қортынды есеп 5:0.

Осылайша, Қазақстан ерелер құрамасы қысқы Азия ойындарында топтық кезеңді қоса алғанда барлық қарысыласын жеңіп, чемпион атанды.

Қола медаль үшін матчта, Оңтүстік Корея спортшылары Қытайды 5:2 есебімен қапы қалдырды.

Айта кетейік, осыған дейін жартылай финалда Қазақстаннан жеңілген хоккейден Қытай ерлер құрамасының капитаны Чжан Цзяци Kazinofrm тілшісіне сұхбат беріп, қазақстандықтардан көп нәрсе үйренгенін айтқан болатын.

 

Бас серіктес – «Самұрық Қазына» ҰӘҚ» АҚ
Серіктес – Sport Qory спортты қолдау қоры

Соңғы жаңалықтар