Азиада-2025: хоккейден Қазақстан ерлер құрамасы плей-оффқа бірінші орынмен шықты

АСТАНА. KAZINFORM - Шайбалы хоккейден Қазақстан ерлер құрамасы 2025 жылғы Азия ойындарының топтық кезеңінде соңғы матчын өткізді.

Қазақстан ерлер құрамасы шешуші ойында Оңтүстік Кореямен шеберлік байқасты. Қарсыластар ойынның бірінші кезеңінде есеп ашты.

Тартысқа толы матчта отандастарымыз 2:1 есебімен жеңіске жетті. Үшінші кезеңнің соңғы минуттарында Роман Старченко жеңіс шайбасын соқты. 

Осылайша Қазақстан ерлер құрамасы топтық кезеңдегі ойындарын жеңіліссіз өткізіп, плей-офф кезеңіне бірінші орынмен шықты. 

Бұған дейін Қытайдың Харбин қаласында өтіп жатқан ІХ қысқы Азия ойындарында шаңғышы Олжас Климин қола жүлдеге қол жеткізгенін жазған едік.