Азиада-2025: Қазақстан құрамасы фристайл-акробатикадан екінші жүлдесін жеңіп алды

АСТАНА. KAZINFORM — Қазақстан құрамасы фристайл-акробатикадан Қытайдың Харбин қаласында өтіп жатқан 2025 жылғы Азия ойындарында күміс жүлдеге қол жеткізді.

Біздің спортшылар аралас командалар арасындағы сайыста екінші орынға ие болды. Бұл бағдарламада ел намысын Аяна Жолдас, Шерзод Хаширбаев және Асан Асылхан қорғады.

Қорытынды есепте қазақстандық спортшылар 235,39 ұпай жинап, осы көрсеткіш оларға күміс медаль алып келді. Бірінші орынды Қытай иеленсе, Жапония үшінші орынға тұрақтады.

Айта кетейік, фристайл-акробатикадан алғашқы жүлдені ел қоржынына Аяна Жолдас салған болатын. Ол жекелей сында үшінші орын алды. 

Еске салсақ, бұған дейін кёрлингтен әйелдер құрамасы айқын басымдықпен жеңіске жеткенін хабарлаған едік.