Азиада-2025: Надежда Морозова жүлдеге бір табан жетпей қалды

ХАРБИН. KAZINFORM — Қытайдың Харбин қаласында өтіп жатқан ІХ қысқы Азия ойындарының әйелдер арасында 3000 метрге сырғанаудан бәсеке аяқталды.

Қазақстан құрамасы сапында Инесса Шумекова, Арина Ильященко және Надежда Морозова жарыс жолына шықты.

Қорытындысында, қазақстандық Надежда Морозова 4 минут 12.70 секунд нәтиже көрсетір, төртінші орынға табан тіреді.

Инесса Шумекова (4 минут 17.08 секунд) 6-орын, Арина Ильященко (4 минут 40.44 секунд) 12-орынға жайғасты.

Айта кетерлігі, жарыс жолына шыққан қытайлық үш спортшы алдыңғы үштікен көрініп, жүлдені өзара бөлісті.

Осыған дейін, Қазақстан құрамасы фристайл-акробатикадан аралас командалар арасындағы сайыста екінші орынға ие болды.

Сонымен қатар, ерлер арасында шаңғы жарысынан (10 км) еркін стильде сынға түскен отандасымыз Олжас Климин қола медаль еншіледі.