Азиада-2025: Шайбалы хоккейден Қазақстан әйелдер құрамасы Жапониядан жеңілді

АСТАНА. KAZINFORM – Шайбалы хоккейден Қазақстан әйелдер құрамасы 2025 жылғы Азия ойындарының А тобындағы ойынын сәтсіз бастады.

12 ақпанда ұлттық құрама Жапониямен кездесті.

Өкінішке қарай отандастарымыз қарсылас қақпасына бірде-бір шайба соға алмады. Ал жапониялықтар өз кезегінде төрт шайда соғып ойынды 0:4 есебімен аяқтады.

Айта кетейік, А тобындағы келесі ойын 13 ақпан күні Астана уақытымен сағат 11:00-де болады. Қазақстан құрамасы жарыс қожайындарымен кездеседі.

Бұған дейін IX қысқы Азия ойындарында шаңғы жарысынан әйелдер командасы арасындағы эстафета өтіп, отандастарымыз күміс жүлдені еншілегенін жазған едік.