Азиадада тарихи алтын алған Рината Сұлтанова елге оралды

АСТАНА. KAZINFORM — Қазақстанға Жапонияда өткен XX жазғы Азия ойындарының алғашқы алтынын сыйлаған велошабандоз Рината Сұлтанова елордаға оралды. Бір айға жуық уақыт елден жырақта болған спортшыны әуежайдан туған-туыстары, достары мен таныстары гүл шоқтарымен, Қазақстанның туы және жылы лебіздерімен қарсы алды, деп хабарлайды Kazinform тілшісі.

Золотую медалистку Азиады Ринату Султанову встретили в Астане
Фото: Солтан Жексенбеков / Kazinform

Сұлтанова Азиададағы басты медалін 20 қыркүйекте жеңіп алды. Ол тас жолдағы жеке уақыт жарысында топ жарып, Азия ойындарының чемпионы атанды. Ал 2 қазанда спортшы велотректегі омниум сайысында күміс медаль иеленді.

Золотую медалистку Азиады Ринату Султанову встретили в Астане
Фото: Солтан Жексенбеков / Kazinform

Сұлтанованың айтуынша, ол тас жолдағы жарысқа жеңіске жету мақсатымен дайындалған. Сондықтан алтын медаль спортшы үшін маңызды нәтиже ғана емес, бір жыл бойы атқарған еңбегінің зая кетпегенінің дәлелі болды.

Золотую медалистку Азиады Ринату Султанову встретили в Астане
Фото: Солтан Жексенбеков / Kazinform

— Мен осы алтын медаль үшін дайындалдым. Оны жеңіп алғаныма өте қуаныштымын. Бұл мен үшін үлкен мақтаныш, — деді ол.

Жеңістен кейін спортшының ойы тек медальда болған жоқ. Сұлтанова жыл басында алдына қойған мақсаттарының барлығын орындауды маңызды санаған.

Золотую медалистку Азиады Ринату Султанову встретили в Астане
Фото: Солтан Жексенбеков / Kazinform

— Жыл басында өзіме қойған мақсаттарымның бәрін орындағаныма қатты қуандым. Ол бақытты сөзбен айтып жеткізу мүмкін емес, — деді велошабандоз.

Золотую медалистку Азиады Ринату Султанову встретили в Астане
Фото: Солтан Жексенбеков / Kazinform

Спортшының айтуынша, бұл нәтиженің артында кәсіби спортқа тән күнделікті еңбек — жаттығу, тәртіп және өз-өзімен тұрақты жұмыс істеу тұр.

— Спорт — бұл тәртіп. Күн сайын өмір сүріп, жаттығу жасап, өзіңмен жұмыс істеу керек, — деді Сұлтанова.

Рината жарыс кезінде оның өнерін жақындары да жіті бақылап отырған. Жеңістен кейін спортшыға көптеген құттықтау келген. Оның айтуынша, телефонына кірген кезде онда «хабарламалар теңізі» жиналып қалған.

Золотую медалистку Азиады Ринату Султанову встретили в Астане
Фото: Солтан Жексенбеков / Kazinform

Енді чемпионды жақындары жеке өздері құттықтады. Әуежайда Ринатаны Жапониядағы жарысы бойы қолдап, жанкүйер болған туған-туыстары, достары мен таныстары күтіп алды.

Азиадада тарихи алтын алған Рината Сұлтанова елге оралды
Фото: Солтан Жексенбеков/Kazinform

Спортшы мұндай ауқымды кездесуді күтпегенін айтты.

— Мұндай керемет қарсы алуды шынымды айтсам, күтпедім. Осыншама қолдау көрсетіп, жанкүйер болған баршаңызға үлкен рақмет, — деп қорытындылады спортшы.

Азиадада тарихи алтын алған Рината Сұлтанова елге оралды
Фото: Солтан Жексенбеков/Kazinform

Бұған дейін Азиадада қай спортшылар тарихқа енгенін жазғанбыз.