Азия чемпионаты: Грек-рим күресінен қарсыластарымыз кімдер

АСТАНА. KAZINFORM - Иордания астанасы Амман қаласында күрес түрлерінен Азия чемпионаты басталады.

Құрлықтық дода 25-30 наурыз аралығында өтеді деп жоспарланып отыр. Ел құрамасы еркін, грек-рим және әйелдер күресінен сынға түседі.

Алғаш болып бозкілемге грек-рим күресінің шеберлері шығады. Бұл жөнінде Спортты дамыту дирекциясы мәлім етті.

Іріктеу кезеңі

55 келі. Ербол Камалиев - Мұстафа Сұлтан Алхаде (Иордания)

60 келі. Бақытжан Қабдыл - Каито Инаба (Жапония)

63 келі. Сұлтан Әсетұлы - Умеш (Үндістан)

67 келі. Мейіржан Шермахамбет - Мин Сун Квон (Оңтүстік Корея)

72 келі. Әділхан Сатоев - Ырыскелді Хамзаев (Қырғызстан)

77 келі. Ибраһим Магомадов - Довон Ли (Оңтүстік Корея)

82 келі. Омар Сатаев - Босён Кан (Оңтүстік Корея)

87 келі. Шамиль Ожаев - Асан Жанышев (Қырғызстан)

97 келі. Ілияс Гучигов - Нитеш (Үндістан)

Ширек финал

130 келі. Әлімхан Сыздықов - Прем (Үндістан)/ Әли Талиб Әл-Шарии (Ирак)

Айта кетсек, ертең бозкілемде 55, 63, 77, 87, 130 келі салмақтағы палуандар күреседі. Ал одан кейін 60, 67, 72, 82 мен 97 келі салмақтағы спортшылар кім мықтыны анықтайды.

Ал еркін күрестен Рахат Қалжан (57 келі), Балғабай Мұхамед (61 келі), Нұрсұлтан Садық (65 келі), Начын Куулар (70 келі), Нұрқожа Қайпанов (74 келі), Дәулет Ергеш (79 келі), Болат Сақаев (86 келі), Азамат Дәулетбеков (92 келі), Ризабек Айтмұхан (97 келі) және Нұрсұлтан Азов (125 келі) сынды балуандарға сенім артамыз.

Сондай-ақ әйелдер күресінен Светлана Анкичева (50 келі), Зейнеп Баянова (53 келі), Зульфия Яхъярова (55 келі), Нилуфар Раимова (57 келі), Гүлдана Бекеш (59 келі), Тыныс Дүбек (62 келі), Гауһар Мұқатай (65 келі), Ирина Казюлина (68 келі), Жәмила Бақбергенова (72 келі) және Эльмира Сыздықова (76 келі) ел намысын қорғайды.