Б.Сапарбаевқа ШҚО құрметті азаматы атағы берілді

АСТАНА. ҚазАқпарат - ШҚО мәслихатының депутаттары қазіргі вице-премьерге облыстың құрметті азаматы мәртебесін беру ұсынысын бірауыздан қолдады, деп хабарлады YK-news.kz.

Бүгін облыстық мәслихаттың кезекті сессиясында халық қалаулылары ШҚО құрметті азаматтарын таңдады. Бұл тізімге барлығы бес адам қосылды.

Бұрынғы өңір басшысынан бөлек, мұндай мәртебе «Благовест» халықаралық қайырымдылық ұйымының негізін қалаған Зинаида Драгункинаға, ҚР Парламент Мәжілісінің экс-депутаты Валерий Досқаловқа, Семей мамандандырылған әкімшілік сотының төрағасы Кенжеш Мұқашевқа және жазушы, журналист Сәдібек Түгелге берілді.