БАӘ Ауғанстанға 96 тонна медициналық көмек жіберді
АСТАНА. KAZINFORM — Біріккен Араб Әмірліктерінің гуманитарлық ұйымы Ауғанстанға арнайы рейс арқылы 96 тонна өмірлік маңызы бар дәрі-дәрмек пен медициналық құрал-жабдық жеткізілгенін хабарлады, деп жазады АЗЕРТАДЖ Khaama Press-ке сілтеме жасап.
Елде экономикалық қиындықтар мен медицинаға қолжетімділіктің шектеулі болуына байланысты гуманитарлық қажеттіліктер артып отыр.
Жүк Дубайдағы Әл-Мактум халықаралық әуежайынан жөнелтілген. Оның құрамына Дүниежүзілік денсаулық сақтау ұйымы, «Шекарасыз дәрігерлер» және ЮНИСЕФ секілді ірі халықаралық серіктестермен бірлесіп дайындалған маңызды медициналық көмек кірген.
Ресми мәліметке сәйкес, алдағы үш ай ішінде бұл көмек Ауғанстандағы аз қамтылған және дағдарыстан зардап шеккен өңірлерде 250 мыңнан астам адамды қамтып, негізгі медициналық қызметтердің үздіксіз көрсетілуіне ықпал етеді.
Бұдан бұрын Ауғанстан билігі соңғы он күнде толасыз жауған жаңбыр су тасқыны мен көшкін тудырып, салдарынан 77 адам қаза тауып, тағы 137 адам жарақат алғанын хабарлады.
