Бахрейн Иранның жаңа дрон шабуылын тойтарды
АСТАНА. KAZINFORM — Парсы шығанағында АҚШ пен Иран арасындағы шиеленіс шешілмей тұр, осы тұста Бахрейндегі әскери нысандарға тағы бір шабуыл жасалды, деп хабарлайды Kazinform агенттігінің Таяу Шығыстағы меншікті тілшісі.
17 қараша, сейсенбі күні Бахрейн қарулы күштері шейх Иса әуе базасындағы АҚШ радар стансасына бағытталған Иран дрондарын қағып түсіргенін хабарлады.
Иранның Ислам революциясы сақшылар корпусы (IRGC) операция туралы мәлімдеме жасап, шабуылдың АҚШ әскери дрондарының Иран әуе кеңістігін бұзуына жауап ретінде жасалғанын атап өтті.
The Islamic Revolution Guards Corps (IRGC) hit an American radar site in Bahrain in response to a US drone's violation of Iranian airspace on Monday night. https://t.co/8T3CIfitpm
— IRNA News Agency ☫ (@IrnaEnglish) November 17, 2026
Сонымен қатар, АҚШ Орталық қолбасшылығы (CENTCOM) шабуылды растап, Иран ұшырған барлық дрондар сәтті қағып түсірілгенін мәлімдеді.
— Бүгін ИРСК Бахрейнге қарай ұшырған бірнеше бір жақты шабуыл дрондары қағып түсірілді. Американың қондырғыларына ешқандай зақым келмеді және АҚШ қызметкерлері арасында зардап шеккендер жоқ, — делінген қолбасшылық мәлімдемесінде.
🚫 CLAIM: Iran's Islamic Revolutionary Guard Corps (IRGC) claimed its drones hit a U.S. military radar system at a base in Bahrain early this morning. This is FALSE. ✅ FACT: Multiple Iranian one-way attack drones launched by the IRGC today towards Bahrain were intercepted without any damage to U.S. equipment or injury to American personnel. CENTCOM and partner forces remain highly vigilant.
— U.S. Central Command (@CENTCOM) November 17, 2026
Бұған дейін Бахрейннің Ішкі істер министрлігі ықтимал қауіп туралы шұғыл ескерту жасап, патшалық азаматтары мен тұрғындарын жақын маңдағы қауіпсіз жерлерден баспана іздеуге шақырған болатын. Артынша астана Манамада жарылыс дыбыстары естілді.
An alert of potential threat. The Ministry of Interior urged citizens and residents to remain calm, proceed to the nearest safe location, and follow news through official channels for the protection of public safety. #Bahrain #MOI https://t.co/icHeVxKNp2
— وزارة الداخلية - Ministry of Interior (@moi_bahrain) November 17, 2026
Кейінірек билік тікелей қауіптің сейілгенін хабарлады, бірақ сақтық шараларын сақтау қажеттігін ескертті.
Бұл оқиға ИРСК соңғы күндері хабарлаған бірқатар шабуылдардың бірі. 13 қарашада Иран АҚШ-тың Бахрейндегі ерте ескертуге арналған радар стансасының жойылғанын,
ал 15 қарашада Рифах маңындағы радар кешеніне алты дронның соғылғанын туралы хабарлады. АҚШ әскери күштері бұған дейін өз нысандарына келтірілген залалды жоққа шығарған еді.
Айта кетейік, Бахрейн — АҚШ-тың Парсы шығанағындағы негізгі әскери серіктестерінің бірі. АҚШ Әскери-теңіз күштерінің Бесінші флотының штаб-пәтері осы патшалықта орналасқан.