Бақытжан Сағынтаев оңтүстік өңірдегі болат блюм шығаратын алғашқы зауытқа барды

АСТАНА. ҚазАқпарат - ҚР Премьер-Министрі Бақытжан Сағынтаев Оңтүстік Қазақстан облысына жұмыс сапары аясында «Оңтүстік» индустриалды аймағы аумағындағы «Shymkent Temir» оңтүстік өңірдегі болат блюм шығаратын алғашқы қазақстандық кәсіпорынға барды. Бұл туралы primeminister.kz">primeminister.kz хабарлады. 

Объектіде Премьер-Министр Бақытжан Сағынтаев кәсіпорынның негізгі өндірістік циклдарымен танысты. «Shymkent Temir» ЖШС бас директоры Б. Әлтеевтің айтуынша, зауытта 40 тонналық индукциялық пештер және үш қырлы үздіксіз құю машиналары қолданылады.



Жоба 2015-2019 жылдарға арналған ҚР индустриалды-инновациялық дамуының мемлекеттік бағдарламасы аясында жүзеге асырылып, осы жылдың сәуір айында пайдалануға беріледі. Шығарылатын өнімнің 100% жақын шетелдерге экспорттау көзделген.
Сонымен қатар, облыс әкімінің орынбасары Б. Жамалов Индустрияландыру картасы аясында 20 жобаны іске асыру жоспарларымен таныстырды.