«Балама автобусты жуғызды»: Тексеру кезінде ақпарат расталмады

«Автопарк» ЖШС директоры Ақарыс Тілеулесов «балама автобустың еденін жуғызды» деген ақпараттан соң тексеру жүргізілгенін, алайда оның расталмағанын айтып, мәлімдеме жасады. 

— Ішкі тәртіппен тексеру кезінде ешқандай жағдай анықталмады. Арызданушы құқық қорғау органдарына шағым түсірген. Құқық қорғау органдарына қажетті мәліметтер берілді. «Автопарк» ЖШС-і 20 жылдан астам уақыттан бері қызмет көрсетіп келеді. Күнделікті нұсқаулық беріледі. Жасөспірімдердің жолақысы болмай қалса, бітсе жеткізіп, ескертумен шектелуді айтамыз, - деді «Автопарк» ЖШС директоры Ақарыс Тілеулесов. 

Айта кетейік, тексеру жұмыстарына полиция, тасымалдаушы компания мен Ақтөбе қалалық тұрғын үй-коммуналдық шаруашылық бөлімі қатысты. 

— Ақтөбе облыстық ПД кәмелет жасқа толмаған баланың арызы бойынша тексеру жұмысын жүргізді. Тексеру кезінде ақпарат расталмады, - деді Ақтөбе облыстық ПД баспасөз қызметі. 

Еске салсақ, ақтөбелік тұрғын жолақысы болмай қалған балаға автобус жүргізушісінің еденін жуғызғанын айтып, полицияға шағым түсірді.