Бангладеш армиясы Шейх Хасинаға бағынудан және наразылықты басудан бас тартты

АСТАНА. KAZINFORM - Бангладештің бұрынғы премьер-министрі Шейх Хасина жаппай наразылықтар кезінде елден кетіп бара жатқан түні оның армиясының басшысы генералдарымен кездесіп, әскерлер коменданттық сағатты орындау үшін бейбіт тұрғындарға оқ атпайды деп шешті, деп жазады Reuters.

Reuters агенттігінің хабарлауынша, ел армиясының генералы Вакер-Уз-Заман Хасинаның кеңсесіне хабарласып, премьер-министрге оның сарбаздары коменданттық сағат талаптарын орындамайтынын хабарлады.

Жексенбі күні жалпыұлттық қақтығыстарда кем дегенде 91 адам қаза тауып, жүздеген адам жарақат алған соң, елде коменданттық сағат енгізілді. Бұл шілдеде Хасинаға қарсы студенттер наразылығы басталғаннан бергі ең қайғылы күн болып саналады.

Хасина Бангладешті 20 жыл басқарды. Ол мыңдаған оппозиция жетекшілері мен жұмысшылары қамауға алынғаннан кейін қаңтарда 170 миллион халқы бар елді басқару үшін төртінші мерзімге сайланды. Бұл сайлауға оның негізгі оппозициясы бойкот жариялады.

Естеріңізге сала кетейік, бұған дейін Бангладеш премьер-министрі наразылық акциялары кезінде отставкаға беріп, елден кетіп қалғанын жазған болатынбыз.

Кейінірек Хасинаның Ұлыбританиядан баспана сұрағаны белгілі болды.

5 тамызда елде уақытша үкімет құрылып, парламент таратылды. Бір күннен кейін Нобель сыйлығының лауреаты профессор Мұхаммед Юнус уақытша үкіметті бас кеңесші ретінде басқаруға келісті.

Қазақстан Республикасының Сыртқы істер министрлігі ҚР азаматтарына аталған елге ахуал тұрақтанғанға дейін барудан уақытша бас тартуды ұсынды.