Бангладеште 152 адам өлім жазасына кесілді

АСТАНА. 6 қараша. ҚазАқпарат - Бангладеште 3 жыл бұрын 74 адамның қазасына себеп болған қырғынға қатысты сот үкім шығарды.

Қанды оқиғаға қатысы бар 152 адам өлім жазасына кесіліп, тағы 157 бүлікші өмірбақи бас бостандығынан айырылды. Ал 271 адам ақталып шықты. Сот ғимараты орналасқан аудан 2 мың полицейдің бақылауына алынған. Айта кетейік, 2009 жылдың 25 ақпанында шекарашылар өзінің бас пәтеріне шабуыл жасап, 74 офицер мен генерал қаза тапқан болатын. Әскерилер қызмет ету жағдайын жақсартуды талап еткен. Осы іске қатысты сот отырысы 2011 жылы басталып, 850 адамға айып тағылды. Бұл туралы 24.kz хабарлады.