«Барыс» бүгін елордада «Ак Барс» командасымен кездеседі
Қазақстандық «Барыс» командасы Құрлықтық хоккей лигасындағы кезекті ойынын елордада Ресейдің «Ак Барс» (Қазан) командасына қарсы өткізеді, деп хабарлайды Kazinform.
Кездесу бүгін, 6 қарашада күні, сағат 19:30-дa басталып, «Qazsport» телеарнасынан тікелей эфирде көрсетіледі.
Екі команда бұған дейін 50 мәрте кездесті.
Оның 11-і елордалық клубтың басымдығымен аяқталса, қалғанында ресейлік команда жеңіске жетті.
Турнир кестесінде «Барыс» 28 ойыннан кейін 23 ұпаймен 20-орында тұр.
Aл «Ак Барс» 26 ойыннан кейін 36 ұпаймен 5-орынға орналасты.
Айта кетейік, астаналық клуб биылғы маусымды сәтсіз өткізіп келеді.
Соңғы 10 ойынның небәрі үшеуінде жеңіске жетті.
Еске салсақ, елордалық команда «Ак Барсқа» есе жіберіп қойды.
