«Барыс» хоккей клубының сапынан екі ресейлік шабуылшы кетті

АСТАНА. KAZINFORM – Елордалық клуб екі легионермен қош айтысты. Бұл туралы «Барыс» хоккей клубының баспасөз қызметі ресми түрде хабарлады. 

Команда сапынан шабуылшы Владислав Кодола және Даниил Апальков кетті. 

Даниил «Барыс» командасының сапында 46 рет мұз айдынына шығып, 17 (8+9) ұпай жинады. Ал Владислав аталған клуб жейдесінде 12 ойын өткізді. 

Еске сала кетейік, бұған дейін Ғалым Мәмбетәлиевтің «Барыс» командасына бас бапкері болып тағайындалғанын жазған едік. Сондай-ақ «Барыс» командасының бас директоры тағайындалды.