«Барыс» өз алаңында «Локомотив» командасынан жеңіліп қалды

Қазақстандық «Барыс» командасы Құрлықтық хоккей лигасындағы кезекті ойынын елордада ресейлік «Локомотив» (Ярославль) командасына қарсы өткізді, деп хабарлайды Kazinform.

Ресейлік клуб биылғы маусымды сәтті өткізіп жатыр. Олар 7 ойыннан кейін 27 ұпаймен турнирлік кестенің ең төбесіне жайғасқан. Ал «Барыс» керісінше 17 ойыннан кейін 15 ұпаймен 19-орында жүр. Сондықтан жанкүйерлер бүгінгі кездесуде қазақстандық команда жеңіске жету үшін бар күшін салып, ұпай алуға тырысатынына сенді. 

Ойынның алғашқы кезеңінде командалар шабуылға көбірек көңіл бөлді. Нәтиежесінде 3-минутта Даниил Бут есеп ашса, Павел Красковский (32, 41) қос шайбамен есепті үстемелей түссе, Максим Шалунов 46-минутта басымдықты одан сайын арттырды. Ал иелері 4 шайбадан кейін абдырап, 56 минутта Даниил Буттың, 59-минутта Данил Тесановтың көзге түсуіне мүмкіндік беріп қойды. Осылайша «Барыс» қарсыласына ірі есеппен, яғни, 0:6 есебімен есе жіберді.

Еске салсақ, бұдан бұрын «Барыс» қатарынан екінші мәрте жеңіске жетті. 

Енді «Барыс» елордада 15 қазан күні «Металлург» (Магнитогорск) клубымен шеберлік байқасады.