Барлық өңірде кіріс бойынша жоспар асыра орындалды – министр

НҰР-СҰЛТАН. Қаз-Ақпарат – Жергілікті бюджеттердің кірісі 136,7% атқарылып, 1,3 трлн теңгені құрады. Бұл туралы Үкімет отырысында ҚР Қаржы министрі Ерлан Жамаубаев айтты, деп хабарлайды ҚазАқпарат тілшісі.

«Биыл әлемде экономикалық жағдайдың біртіндеп қалыпқа келуі экспорттық тауарлар бағасының орта есеппен 2,5% өсуіне әсер етті. Сонымен қатар, биыл қосылған құн салығын қайтарудың 1,6 есеге өсуі есебінен ішкі тұтыну тауарларына қосылған құн салығы бойынша жоспар орындалмаған», - дейді Ерлан Жамаубаев.

Оның айтуынша, жергілікті бюджеттердің кірісі 136,7% атқарылып, 1,3 трлн теңгені құрады.

«Жоспар 351 млрд теңгеге, оның ішінде салық бойынша 319 млрд теңгеге асыра орындалды. Барлық өңірде кіріс бойынша жоспар асыра орындалғаны байқалып отыр», - дейді ол.