Барселонада ХІХ ғасырдағы шоколад фабрикасы табылды

АСТАНА. KAZINFORM - Барселонаның Ескі қала (Ciutat Vella) аймағында қазба жұмыстарын жүргізген археологтар ХІХ ғасырдағы шоколад фабрикасының іздерін тапты. Бұл туралы БЕЛТА жазды. 

Бұл жаңалық Пласа-де-ла-Льяна аумағындағы төрт қабатты ғимаратты жөндеу кезінде анықталған. 

HeritageDaily-дың хабарлауынша, олардың арасында ХІV ғасырдағы ортағасырлық сарайдың қалдықтары, ХVIІ ғасырдағы қоршаулар және ХІХ ғасырдағы шоколад фабрикасының іздері болған.

Тарихи мәтіндерде табылған дәлелдерге сәйкес, сарай бастапқыда Пиа Альмоина деген атпен белгілі Барселона соборының садақханасына тиесілі болған. ХV ғасырда ғимарат ХVІ ғасырға дейін болған Hostal de Sant Pere деп аталатын қонақүйге айналды. 1825 жылы қалпына келтірілгеннен кейін ғимаратта Clemente Guardia шоколад фабрикасы орналасты. 

Зауыт 1888 жылғы Барселонаның әмбебап көрмесінің альманахында айтылған. Сол кезде ол талғампаз шоколад пен пастильді (қант пастасынан жасалған глазурь түрі) және ванильді шоколад, сондай-ақ драже өндірумен танымал болды. 

ХІХ ғасырда фабрика Барселонадағы ең танымал шоколад өндірушілердің біріне айналған. Ол өз өнімдерін бүкіл Испанияға және аталған ел бақылайтын шетел аумақтарына экспорттады. 

Барселона археологиялық қызметінің (ICUB) сарапшылары зауытта көптеген архитектуралық элементті, сондай-ақ жапсырмаларды жасау үшін қолданылатын сақтау ыдыстарын және қорғасын табақтарды тапты.