«Барыс» бүгін Ресейдің «Металлург» клубымен кездеседі
АСТАНА. ҚазАқпарат - «Барыс» Құрлықтық хоккей лигасындағы кезекті ойынын бүгін елордада Ресейдің «Металлург» (Магнитогорск) клубына қарсы өткізеді, деп хабарлайды ҚазАқпарат тілшісі.
Аталған ойын бүгін, 21 қазан күні елорда уақытымен 19:30-да басталып, «Qazsport» телеарнасынан тікелей эфирде көрсетіледі.
Екі команда бұған дейін 64 мәрте кездесті. Оның 24-і «Барыстың» басымдығымен аяқталса, қалғанында ресейлік клубтың мерейі үстем болды.
Қазір турнир кестесінде жиырма ойыннан кейін 23 ұпайға қол жеткізген «Барыс» 10-орында келеді.
Ал, жиырма ойыннан кейін 29 ұпай жинаған «Металлург» 2-орынға жайғасқан.
Кейінгі он кездесудің төртеуінле қазақстандық клуб жеңіске жетті.
Еске салсақ, бұдан бұрын «Барыс» елордада «Торпедодан» басым түсті.
