«Барыс» ХК елордада Қазақстан Президентінің кубогы үшін сынға түседі

НҰР-СҰЛТАН. ҚазАқпарат - Нұр-Сұлтанда ҚХЛ-дың маусым алдындағы дайындығы кезінде «Барыс» ХК және басқа да клубтардың қатысуымен Қазақстан Республикасы Президентінің Кубогын өткізу туралы ақпарат пайда болды, деп хабарлайды ҚазАқпарат Sports.kz сайтына сілтеме жасап.

«Нефтехимик»-тің баспасөз қызметінің хабарлауынша, турнирге Нижнекамск клубы мен «Барыс» клубынан бөлек, «Магнитогорск Металлург», Екатеринбургтің «Автомобилист» және Қытайдың «Кунлунь Ред Стар» клубтары қатысады. Қазақстан Республикасы Президентінің Кубогы 16-19 тамыз аралығында Қазақстан астанасында өтеді.

Бұған дейін «Барыс» командасы тамыздың 24-27 күндері Челябі облысы губернаторының кубогына да қатысады.

Өткен маусымда Юрий Михайлистің командасы ҚХЛ-дың Шығыс конференциясында 8-ші орынға ие болса, кейін өткен Гагарин кубогындағы бес матчта «Магниткадан» жеңіліп қалған.