«Барыс» хоккей клубына америкалық Джозеф Лабейт қосылды

АСТАНА. ҚазАқпарат - Қазақстандық «Барыс» хоккей клубының құрамын американдық Джозеф Лабейт толықтырды, деп хабарлайды ҚазАқпарат тілшісі.

Келісімшарт бір жақты негізде 2024 жылдың 30 сәуіріне дейін жасалған.

1993 жылдың 16 сәуірінде дүниеге келген Джозеф Лабейт бұған дейінгі спорттық жолында Солтүстік Америка клубтарында ойын көрсеткен.

Еске салсақ, бұдан бұрын «Барыс» құрамына швециялық Понтус Оберг қосылды.

Швециялық шабуылшымен бір жақты келісімшарт 2024 жылдың 30 сәуіріне дейін жасалған.

Понтус Оберг 1993 жылдың 23 қыркүйегінде дүниеге келген. Ұлттық хоккей лигасында «Нэшвилл», «Анахайм» және «Торонто» командалары сапында 132 ойын өткізіп қайтты.

Сондай-ақ «Барыс» былтыр команда құрамында ойнаған Егор Шалапов, Майкл Шапю, Дінмұхамед Қайыржан, Кирилл Савицкий, Джереми Бракко, Александр Василевич, Тамирлан Гайтамиров, Нельсон Ножье, Михаил Рахманов, Эмиль Нұрғалиев, Алекс Грант, Роман Старченко, Никита Бояркин, Әділ Бекетаевпен келісімшарт мерзімін ұзартты.