«Барыс» қатарынан үш жеңісінен кейін ҚХЛ көшбасшысы атанды
АСТАНА. ҚазАқпарат - Астаналық «Барыс» Құрлықтық хоккей лигасында (ҚХЛ) өз дивизионының көшбасшысы атанды, деп хабарлайды ҚазАқпарат Sports.kz-ке сілтеме жасап.
Қазіргі уақытта «Барыс» Чернышев дивизионында 23 ұпаймен бірінші орында тұр. Уфалық «Салават Юлаевтың» да ұпайы сондай, бірақ ол қосымша көрсеткіштер бойынша төмен орналасқан. Үшінші орында – 22 ұпаймен Новосибирскінің «Сибирі».
«Барыс» ҚХЛ матчында қатарынан үш жеңіске жетті: өз алаңында Владивостоктың «Адмиралын» (3:1), Хабаровскінің «Амурын» (5:1) және Нижгородтың «Торпедосын» (4:1) ұтты.
21 қазанда «Барыс» өз алаңындағы финалдық ойынын Магнитогорскінің «Металлург» командасына қарсы өткізеді.
Фото: sports.kz
