«Барыс» шайбалы хоккейден Блинов турнирінде жеңімпаз атанды

АСТАНА. ҚазАқпарат – Қазақстандық «Барыс» Ресейдің Омбы қаласында өткен шайбалы хоккейден Блинов турнирінде жеңімпаз атанды, деп хабарлайды ҚазАқпарат тілшісі.

Елордалық клуб үшінші ойынында Ресейдің «Нефтехимик» (Нижнекамск) командасымен шеберлік байқасты.

Бұл кездесуде Андрей Скабелка төмендегі құрамды мұзайдынға шығарды: Шутов (Паскуале); Барбер - Шестаков - Бракко, Скленичка - Ножье; Старченко - ЛаБейт - Мұратов, Нұрғалиев - Данияр; Әсетов - Борисевич - Рахманов, Полохов - Шалапов; Шайхмедденов - Өмірбеков - Қайыржан, Гайтамиров - Гурков.

«Барыс» (Астана, Қазақстан) — «Нефтехимик» (Нижнекамск, Ресей) 3:1 (1:0, 1:0, 1:1)

Шайбалар:

1:0 - 16:47 Старченко.

2:0 - 33:43 Старченко (Полохов).

3:0 - 51:32 Старченко (Шестаков, Скленичка).

3:1 - 52:45 Хохлов.

Еске салсақ, бұдан бұрын елордалық команда Ресейдің «Авангард» (Омбы) клубын 4:3, «Локомотив» (Ярославль) клубын 2:1 есебімен жеңді.

Осылайша, аталған турнирде жеңімпаз атанды.

Сондай-ақ, TANECO кубогында «Барыс» төртінші орынды місе тұтты.

Енді елордалық Құрлықтық хоккей лигасындағы алғашқы ойынын 2 қыркүйекте елордада Ресейдің «Салават Юлаев» (Уфа) командасына қарсы өткізеді.

Одан кейін 4 қыркүйекте ресейлік тағы бір команда «Сибирь» командасын қабылдайды.