«Барыстың» Құрлықтық хоккей лигасындағы ойын кестесі белгілі болды

АСТАНА. ҚазАқпарат - Қазақстандық «Барыс» командасының Құрлықтық хоккей лигасы алдағы маусымындағы ойын кестесі белгілі болды, деп хабарлайды ҚазАқпарат тілшісі.
None

Қазақстандық клуб алғашқы ойынын 2 қыркүйекте елордада Ресейдің «Салават Юлаев» (Уфа) командасына қарсы өткізеді.

Одан кейін 4 қыркүйекте ресейлік тағы бір команда «Сибирь» командасын қабылдайды.

Ал 7 қыркүйекте Новосібірде «Сибирьмен» тағы бір мәрте кездессе, 9, 11 қыркүйекте сырт алаңда ресейлік «Авангард» (Омбы), «Динамо» (Мәскеу) клубтарымен шеберлік байқасады. «Барыс» Құрлықтық хоккей лигасы тұрақты кезеңіндегі соңғы ойынын 2024 жылдың 26 ақпанында елордада «Сибирьмен» өткізеді.

Еске салсақ, бұдан бұрын «Барыс» құрамына жаңадан ойыншылар қосылып, кейбір хоккейшілермен келісім-шарт ұзартылғанын хабарлаған едік.

Сондай-ақ, Татарстан астанасында 10-14 тамыз аралығында болатын TANECO Кубогынд қазақстандық клуб жергілікті «Ак Барс», «Локомотив» (Ярославль), «Трактор» (Челябинск) командаларымен ойнайды.


Соңғы жаңалықтар