«Батырларға тағзым» порталы «е-Архив» жүйесімен интеграцияланады

АСТАНА. KAZINFORM – Мәдениет және ақпарат министрі Аида Балаева креативті индустрияны цифрландыруға арналған Үкімет отырысында «е-Кино» ілкі жобасының алғашқы нәтижелерін атады.

- 9 мамырға арнайы жаңартылған «Батырларға тағзым» порталы іске қосылады. Қазақстанның архивтік қорларында сақталған барлық мәліметтерді біріктіру мақсатында бұл портал «е-Архив» жүйесімен интеграцияланады, - деді Аида Балаева.

Министрдің айтуына қарағанда, бұл қазақстандықтарға екінші дүниежүзілік соғыс кезеңіндегі бірегей архив деректеріне қол жеткізуге мүмкіндік береді.

- Министрлік мәдениет, ақпарат, креативті индустрия және кітап ісі салаларын цифрландыруды тек жоғарыда аталған бастамалар мен жүйелер аясында ғана емес, сонымен қатар IT саладағы жетекші компаниялармен әріптестік негізінде де жүзеге асырады, - деді ведомство басшысы.

Бұған дейін Қорғаныс министрлігі екінші дүниежүзілік соғыстағы жеңістің 80 жылдығына арналған әскери шеруге қатысты мәлімдеме жасағанын жазған едік.