Батыс Қазақстанда балабақшада 26 млн теңге міндетті төлем төленбей қалған

ОРАЛ. KAZINFORM – Батыс Қазақстан облысында Сырым ауданының прокуратурасы міндетті салық төлемдерінің төленбеу дерегін анықтады.

 Астанада балабақша меңгерушілері балаларды тамақтандыруға бөлінген 35 млн теңгеден астам қаражатты жымқырған
Фото: Kazinform

БҚО прокуратурасының баспасөз қызметінен мәлім еткеніндей, «Балдырған» балабақшасында міндетті әлеуметтік медициналық сақтандыруды қоса алғанда, 43 қызметкерге арналған төлемдер 8 ай бойы төленбей, 26 млн теңгеге жеткен.

- Соның салдарынан балабақшаның 43 қызметкері денсаулық сақтау және медициналық көмекке кепілдік беру бойынша конституциялық құқықтарын жүзеге асыра алмады. Аталған дерек бойынша облыстық білім басқармасына прокурорлық қадағалау актісі енгізіліп, жауапты лауазымды тұлғалар тәртіптік жауапкершілікке тартылды. Берешек толығымен өтелді, - деп хабарлады ведомстводан.

Еске сала кетейік, бұдан бұрын БҚО-да прокуратураның араласуымен 468,5 млн теңгенің мемлекетке қайтарылғанын жазған едік.

 

Соңғы жаңалықтар