Батыс пен солтүстікте жаңбыр аралас бұршақ жауып, дауыл соғады

АСТАНА. KAZINFORM — «Қазгидромет» РМК 2025 жылғы 25 шілдеге арналған ауа райы болжамын жариялады. 

— Солтүстік-батыс циклон мен атмосфералық фронттар әсерінен еліміздің көп бөлігінде найзағайлы жаңбыр жауады. Батыс пен солтүстікте — қатты жаңбыр, кей жерде дауыл соғып, бұршақ жаууы мүмкін. Оңтүстік, шығыс және оңтүстік-шығыс өңірлерде — антициклон әсерінен жауын-шашынсыз ауа райы сақталады. Жел күшейеді, ал оңтүстік-батыс пен оңтүстікте — шаңды дауылдар болуы ықтимал. Солтүстік өңірлерде түнде және таңертең тұман күтіледі, — делінген хабарламада.

Бірқатар облыста аптап ыстық күтіледі:

• Жетісу облысы — күндіз 35–38°C, оңтүстігінде 40°C.

• Алматы облысы — 35–37°C, батысы мен солтүстігінде 42°C дейін.

• Жамбыл облысы — 38–40°C.

• Түркістан және Қызылорда облыстары — 40–42°C.

• Ұлытау және Қарағанды облыстарының орталығы — 35–36°C.

• Абай және Шығыс Қазақстан облыстарының оңтүстігінде — 35°C.

Синоптиктер төмендегі өңірлерде жоғары өрт қаупі туралы ескертті:

• Шығыс Қазақстан, Абай, Қостанай (батысы, шығысы, солтүстігі),

• Қарағанды мен Солтүстік Қазақстан (орталығы),
• Ақмола (оңтүстігі мен шығысы),
• Павлодар (батысы, оңтүстігі, шығысы).

Сонымен қатар төтенше өрт қаупі бар аймақтар анықталды:

• Маңғыстау, Қызылорда, Түркістан, Алматы, Жамбыл,

• Жетісу, Ұлытау (орталығы мен оңтүстігі),

• Атырау (шығысы, батысы, оңтүстігі),

• Қарағанды (шығысы мен орталығы),

• Ақтөбе (оңтүстігі),

• Батыс Қазақстан (шығысы),

• Қостанай (оңтүстігі мен солтүстік-батысы),

• Абай облысының орталығы.

Осыдан бұрын синоптиктер 24-26 шілде аралығындағы ауа райы болжамын жариялады.