Батыс Қазақстанда ағасының қыздарын зорлап келген ер адам ұсталды

Облыстық ішкі істер департаментінің баспасөз қызметінен хабарлағанындай, 2007 жылы 13 және 10 жасар апалы-сіңлілі қыздардың анасы қайтыс болады. Сол кезден олар үшін үрейге толы күндер басталады. Бір күні әкесінің інісі 13 жасар қарындасын үй жинау үшін шақыртып алып, зорлап тынады. Қазір 18-ге келген қыздың сөзіне қарағанда, ол бұл сұмдықты қорқып айтпаған. «Ағасы» егер біреу біліп қалса, қарындастарын да, әкесін де өлтіретіндігін мәлімдеген. Ол аз болғандай, «үй жинау» сылтауымен 10 жасар сіңлісі де зорланады. Бұл зорлық-зомбылық осылай созыла берер ме еді, егер кішісі жүкті болып қалмағанда. Биылғы қыркүйекте дәрігерге қаралғаннан кейін 15 жасар қыз шындықтың бәрін жайып салды. Қыздардың әкесі полицияға арыз берді.
Қазіргі кезде күдікті ұсталып, қылмысын мойындады. Оған қатысты ҚР ҚК 120-бабы 4-тармағымен (зорлау) қылмыстық іс қозғалды. Күдікті еш жерде жұмыс жасамаған.