Батыс Қазақстанда барлық бағыттағы жолдар жабылды
ОРАЛ. ҚазАқпарат - Батыс Қазақстан облысында барлық бағыттағы жолдар жабылды, деп хабарлайды ҚазАқпарат тілшісі.
«ҚазАвтоЖол» АҚ БҚО филиалының мәліметіне қарағанда, ауа райының нашарлауына байланысты өңірде жергілікті сағат 18.45-тен бастап барлық бағыттағы жолдар жабылды.
Жабылу себебі - қатты тұман, көктайғақ.
Осыған байланысты БҚО ТЖ департаменті ескерту жариялап, тұрғындарға хабарлады.
Еске сала кетейік, бұдан бұрын БҚО-да республикалық жол жабылғанын жазған болатынбыз.
