Батыс Қазақстанда қар аралас жаңбыр жауып, көктайғақ болады

ОРАЛ. ҚазАқпарат - Батыс Қазақстан облысында қар аралас жаңбыр жауып, көктайғақ болады, деп хабарлайды ҚазАқпарат тілшісі.

«Қазгидромет» РМК БҚО филиалының мәліметіне қарағанда, 28 желтоқсанда өңірдің кей жерлерінде күн жауын-шашынды (жаңбыр, қар) болады.

Тұман түсіп, көктайғақ болуы ықтимал.

Орал қаласында да осындай ауа райы орын алмақ.

Осыған байланысты БҚО ТЖ департаменті ескерту жарияланып, тұрғындар арасында төтенше жағдайларды болдырмау мақсатында тиісті шаралар алынып жатқандығын хабарлады.

Еске сала кетейік, бұдан бұрын Батыс Қазақстан облысында тағы да жолдар жабылғанын жазған болатынбыз.