Батыс Қазақстанда «Кеден келбеті айқын» республикалық іс-шарасы өткізілді

ОРАЛ. Ақпанның 17-сі. ҚазАқпарат /Ғайсағали Ералы/ - Батыс Қазақстан облысында журналистерге арналған «Кеден келбеті айқын» республикалық іс-шарасы өткізілді,

деп хабарлайды ҚазАқпарат тілшісі. БҚО бойынша кедендік бақылау департаментінің бастығы Жарқынбек Оспанов бұқаралық ақпарат құралдарының өкілдерін атқарылған жұмыс барысымен таныстырып, кеден ісі барынша жариялы әрі ашық жағдайда ұйымдастырылатынын атап өтті. Сыбайлас жемқорлықпен күрес ? кеден жұмысының бір бағыты. Осы орайда «Нұр Отан» ХДП облыстық филиалымен бірлескен іс-шаралар жоспары жасалды. Журналистер «Шаған» бірыңғай бақылаудан өткізу пунктінде болып, ондағы кеден жұмысының қалай атқарылатынын өз көздерімен көрді.